Kak sem čekala generala Markača dok je došel v Đurđevec, posle Haga

Mislim si da sem več malo naporna, znam da se sema baš i ne sviđa kaj ja pišem, ali denes bi štela pisati kaj več dugo šantam, al se bojim da je nezgodno.

Kak sem čekala generala Markača dok je došel v Đurđevec, posle Haga.

Sad je i godišnjica toga.

Znate imala sem sretnih trenutaka v životu ali dok je sudac rekel da generali nesu krivi, nalet sreće, adrenalina, serotonina, neznam kak mi od sreće neje srce odkazalo. Život je postal lep, sloboda se mogla opipati, se brige sveta su mi z pleč opale. Kak i sema koji smo strepeli f Hrvatski.

Bil je prelep den dok je došel v Đurđevec, umjesto da je mam zišel na pozornicu kaj bi ga ljudi vidli, ali morali su se najprije preseravati svi političari on je nestal v gužvi koja je nastala.

Dražen Šemovčan Šeki se trudil obraniti ga, da ga svetina ne združđe, a Šeki zgoden, sređen ko Kevin Kostner u filmu Tjelohranitelj s Vitney(ne zameri mi, baš sem si tak onda mislila) tak je bar meni zgledal.

Otišla sem doma dok je meša bila i dalje na internetu pratila.

Žal mi je onih divnih gizdavi žena kaj su z kolače došle z cele okolice, lovaca i njijovi gulašev, koji su to jedva obranili od manjine iz Stiske koja je cela bila f centru i f parku.

Svi su imali kaj za reči od gradonačelnika do dr. Milinkovica z Gole, a i naša ALA ga je morala najaviti koda ga mi nebi prepoznali.

Planiran je doček po nekakvem protokolu ali silinu ljubavi, radosti, ponosa za našega generala ne trebalo tak odugovlačiti i ne se moralo tak dugo čekati.

Pogotovo kaj su pred opčinum bili postavleni rostvaji z vinom, a njegvi suborci žeđni, vol još neje bil pečen tak da je i postrojavanje bilo zanimljivo.

Stala sem pred kiosk kaj bum vidla, prek klupa koje su na cesti bile, da nesu si na klupe spuzali i stajali.

Dobro zdravlje, generale, fala za slobodu v mojem Budrovcu, v Hrvatski, fala kaj mi se sin branitelj živ vrnul, kaj nam je saki den bolje živeti.

Živeli, generale naš !